ENGAGEMENTa EKITALDIETAN edo bezeroa «engantxatzea».

Zer da ENGAGEMENTa? Ekitaldiak irauten duen bitartean, gure bezeroa inplikazio eta parte hartzearen bitartez «engantxatzea«, bere atentzioa hasieratik bukaerara mantentzea, gure markarekin duen harremana emozionalagoa izateko eta fidelagoa bihurtzeko.

Helburu hau lortzea ez da erraza izaten, jorratu beharreko gai astun batzuk, protokoloak agindatuko zenbait ekintzek edo guztion gustua egiteak, askotan zaildu egiten baitu programaren antolaketa. Baina hurrengo puntuak kontuan izanez gero, samurragoa egingo zaigu bertaratutakoek ekitaldiaren parte direla sentitzea.

Ekitaldi aurretik gonbidatuei jakinmina piztea. Gonbidapenaren bitartez intriga mezu bat igorri dezakegu, adibidez. Edo mikrosite bat sortu ekitaldiaren berri emateko eta bertatik jarraipena egiteko… mila aukera daude.

Sorpresa. Heldu bezain pronto ekintza kreatibo baten bitartez gonbidatuak harrituta uztea. Buruan daukatena ahaztea lortuko dugu eta ekitaldiaz gozatzeko prestatuko ditugu.

Erritmoa. Publikoaren atentzioa mantendu behar da, intentsitatea ekitaldi guztian zehar ondo dosifikatuz eta onena bukaerarako utziz.

Ingurua. Ahal izanez gero espazio irekiak aukeratu, argitsuak, garbiak… gonbidatuak gustura ibili behar dira espazioan zehar elkarrizketa errazteko eta networking-a sustatzeko.

Komunitatea. Izaki sozialak garen aldetik, komeni da bertaratutakoak lehenbailehen elkar ezagutzea eta euren interesak partekatzea. Nola? Interaktuazio momentuak markatuz; coffe break bat adibidez.

Edukia eta komunikatzaileak ondo aukeratu. Publikoarentzat edukia interesgarria ez bada edo eta istorioa kontatzeko modua erakargarria ez bada, nekez barneratuko du helarazi nahi diogun mezua.

Emozioak. Inteligentzia emozionala aplikatu behar dugu gure ekitaldientan. Publikoa konkistatu behar dugu, seduzitu. Nola? Beraiekin jolastuz, magia erabiliz, hunkituko dituzten gaiak aukeratuz, edo ekitaldi dibertigarri bat antolatuz.

Gogoratu, ondo pasatzen ari garenean gehiago eta hobeto ikasten dugu, eta onena bukaerarako uzten badugu, lortu dugu gure helburua! «Engagetxatzeko» gonbida dezagun gure publikoa dibertitzera!

Irudia: «http://www.freepik.es/fotos-vectores-gratis/fondo»>Fondo de fotografía diseñado por Kjpargeter – Freepik.com